دانلود ترانه تسکه دیل :
لینک مستقیم / لینک غیر مستقیم
تسکه دیل (ترانه گیلکی)
خواننده: علی حق‌ره
شاعر: عبدالرضا رضایی‌نیا
آهنگساز و تنظیم‌کننده: سینا رحیمی‌فطرتی
دیل و عشق و گول و ایمروز و فردا
تماشایی بوبوسته کار دونیا
چی دست افشان، کره دف زِندره موج
تی آوازه وَسی بی‌تابه دریا
شبه، دیل تاسیانه، آسمان تار
غریبانه خوانم: اَی عشق، اَی یار
بزن نی زن، تی سوز و سازه قوربان
می تسکه دیله، تی نی، زِندره جار
بهاره وارشم، عالم می همدم
ای رج شُرشُر، ای رج، آرام و نم نم
می‌اشکه اَمره پا کوبم به دشتان
می‌غم شاده، می‌شادی جه واره غم
اگر چی تسکه دیلم، خسته جانم
تی نام سایه جیر، عشقه دوخانم
یقین، هرگز نیدینم مرگه رنگه
تی امره، تا قیامت، من جوانم
بسیار عالی👏👏👏